Azərbaycan Respublikasının Xarici işlər nazirinin müavini Elnur Məmmədov 12-16 iyul 2022-ci il tarixlərində Malayziyaya səfəri baş tutmuşdur

Azərbaycan Respublikasının Xarici işlər nazirinin müavini Elnur Məmmədovun 12-16 iyul 2022-ci il tarixlərində Malayziyaya səfəri çərçivəsində Malayziyanın Xarici işlər naziri Dato’ Sri Saifuddin Abdullah və Xarici işlər nazirinin müavini Dato Kamaruddin Jaffar ilə görüş keçirmişdir.
İyulun 15-də Azərbaycan və Malayziya xarici işlər nazirlikləri arasında ilk dəfə olaraq siyasi məsləhətləşmələr keçirilmişdir. Xarici işlər nazirinin müavini Elnur Məmmədov və Malayziya Xarici işlər nazirinin müavini Dato Kamaruddin Jaffar iki ölkə arasında bütün sahələrdə münasibətlərin daha da inkişafı üzrə geniş fikir mübadiləsi aparmış, həyata keçiriləcək konkret tədbirlər barədə razılığa gəlmişlər.